LGBT members na kontra sa Anti-Terrorism Bill inaresto

LGBT members na kontra sa Anti-Terrorism Bill inaresto

SA kulungan bumagsak ang nasa 20 miyembro ng isang LGBT community nang arestuhin nitong Biyernes ng mga tauhan ng Manila Police District (MPD) nang magsagawa ng kilos-protesta sa Mendiola.

Nasa kustodiya ng MPD-General Assignment Section ang mga miyembro ng grupong Pride March Protesters sa pangunguna ni Rey Valmires Salinas.

Nabatid na alas-11:40 ng umaga nang magkagirian ang mga tauhan ng MPD at mga demonstrador sa may Mendiola. Nagpo-protesta ang grupo ng LGBT laban sa Anti-Terrorism Bill.

Sinabi ni MPD-GAS chief, PCapt. Arnold Echalar na nag-umpisa ang komosyon nang isa sa mga demonstrador ang umano’y nagwisik ng likido sa isa sa mga pulis. Isa na umano itong uri ng ‘assault’ kaya minabuting i-disperse ang rally at arestuhin ang mga sangkot.

Sasampahan ng kasong paglabag sa Bayanihan Heal as One Act ang grupo kaugnay sa probisyon may kinalaman sa pagbabawal ng mass gathering.

Leave a Reply

%d bloggers like this: