𝗦π—ͺ𝗔𝗕 π—§π—˜π—¦π—§ π—₯π—˜π—¦π—¨π—Ÿπ—§π—¦ π—žπ—”π—œπ—Ÿπ—”π—‘π—šπ—”π—‘ π— π—¨π—Ÿπ—œ 𝗦𝗔 π— π—šπ—” 𝗧𝗨π—₯π—œπ—¦π—§π—”

𝗦π—ͺ𝗔𝗕 π—§π—˜π—¦π—§ π—₯π—˜π—¦π—¨π—Ÿπ—§π—¦ π—žπ—”π—œπ—Ÿπ—”π—‘π—šπ—”π—‘ π— π—¨π—Ÿπ—œ 𝗦𝗔 π— π—šπ—” 𝗧𝗨π—₯π—œπ—¦π—§π—”

BALIK sa pagpapakita ng negatibong COVID-19 test results ng mga lokal turista bago makapasok sa kanilang destinasyon kahit ‘fully-vaccinated’ na dahil sa hindi pa nakapagpapalabas ng pinal na polisiya ang Inter-Agency Task Force on Emerging Infectious Diseases (IATF) ukol sa mga ‘fully-vaccinated’ na.

Kabaligtaran ito ng unang inihayag ng pamahalaan na kailangan na lamang ipakita ang ‘vaccination card’ ng mga fully-vaccinated na turista sa mga hangganan base sa IATF Resolution No. 124-B. May mga kumontra dito dahil sa wala umano silang kakayahan na berepikahin ang pagiging tunay ng mga vaccination cards.

Ayon sa DOH, kinikilala nila ang pag-aalala ng mga lokal na pamahalaan kaya magkakaroon ng pagpupulong sa pagitan ng mga kinatawan ng Union of Local Authorities of the Philippines (​ULAP) at ng League of Provinces of the Philippines upang plantsahin ang resolusyon.

“In any case, what remains is the flexibility of the LGUs to implement testing and quarantine protocols for interzonal travel,” ayon kay Health Undesecretary at spokesperson Maria Rosario Vergeire.

Pangunahing pag-uusapan ay ang paglikha ng mga paraan para maberepika ang pagiging totoo ng mga ‘vaccination cards’ na maaaring pekein ng publiko.

“Yung sistema kasi natin sa ngayon ay parang good faith lang muna, yun ay kikilalanin natin itong vaccination card,” ayon naman kay Health Secretay Francisco Duque III. “Kapag pineke mo ito, this is a public document… ay mapapatawan ka ng kaparusahan.”

Leave a Reply

%d bloggers like this: