ILANG LOKAL NA POLITIKO, LUMIPAT SA KAMPO NI ISKO

ILANG LOKAL NA POLITIKO, LUMIPAT SA KAMPO NI ISKO

PATULOY ang paglipat ng ilang mga opisyal ng mga lokal na pamahalaan sa Aksyon Demokratiko na pinamumunuan ni Manila Mayor Isko Moreno makaraang manumpa kahapon bilang mga bagong miyembro ng partido.

Pinamahalaan ni Moreno, pangulo ng Aksyon Demokratiko ang panunumpa ng 23 lokal na opisyales sa loob ng Manila City Hall.

Kabilang sa mga nanumpa sina Vice Gov. Romulo A. Bacorro Jr., Board Member John Pelaez, Board Member Gilbert Daquioag, ng lalawigan ng Marinduque; Romblon Vice Governor Felix Ylagan; Quezon Province Vice Governor Sam Nantes at Betty Nantes; at Zambales Board Member Keith Doble.

Nanumpa rin ang mga lokal na opisyal ng Laguna na sina Board Members Rai Ann San Luis at Magtanggol Jose Carait; Santa Maria, Laguna Mayor Ma. Rocelle “Cindy” Carolino; Santa Cruz, Laguna Mayor Edgar San Luis; Nagcarlan, Laguna Vice Mayor Rexlon Arevalo; Magdalena, Laguna Vice Mayor Pedro Bucal; Pakil, Laguna Vice Mayor Charles Vipops Martinez; Mabitac, Laguna Vice Mayor Angelito Vaderrama, Sr.; Majayjay, Laguna Vice Mayor Juan Ariel Argañosa, Jr.; at Calamba City Vice Mayor Ross Rizal.

Ang iba pang nanumpa ay sina Concepcion, Tarlac Vice Mayor Joey Baluyut; San Jose, Batangas Vice Mayor Noel Virtusio; Oas, Albay Vice Mayor Reene Riofrio Raro; Angat, Bulacan Vice Mayor Reynante Bautista; at Malabon City Councilors Jasper Kevin Cruz at John Anthony Parial Garcia.

Ang panunumpa ng naturang mga lokal na opisyal ay kasunod ng deklarasyon ng kandidatura ni Moreno sa 2022 Presidential Elections.

 

Photo Manila PIO

Leave a Reply

%d bloggers like this: